سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه
احبـــك حب مــاينــوصف وصفه
وحبي الــك مثل الــذهب وصفه
مريض اني ودكتوري وصفلي وصفه
اخدودك الشفايف صيدلـيه
بعدني ألف وسفه الوقت عنك بعدني
أموت و أرتجي وصـــــــلك بعدني
و تراني عالعهد باقـــــي بعدني
تراك أنت النظـــــر والحيل بيه
اجيت امشي بتوالي اليل واسعة
على ام الشعرالطويل وعيون وسعة
ياحافر قبر لهواي بالله عليك وسعة
اريد اني وحبيبي نندفن بي سوية
نار فراكم بالقلب ماجن
وعليكم زين عندي عقل ماجن
رسايلكم عجب لليوم ماجن
السبب شنهو گطعتوهن عليا؟
رساله شوگ يالمحبوب ودلـــي
مثل ماوديت الك باخلاص ودلي
دلو غيري يجي متروس ودلــي
من البير ويرد فارغ بـــــــــديه
الخميس أكتوبر 04, 2007 10:06 am